Мекеме ұжымы қоғамдағы әлеуметтік жауапкершілік пен адамгершілік құндылықтарды жоғары қойып, көмекке мұқтаж жандарға қол ұшын созуды азаматтық парызы деп білді.

Аталған іс-шара аясында №59 мекеменің қызметкерлері әлеуметтік жағдайы төмен отбасылардың балаларына мерекелік көңіл-күй сыйлау мақсатында арнайы барып, сыйлықтар мен ақшалай көмек көрсетті. Балаларға ойыншықтар, киім-кешек, мектеп құралдары және тәттілер таратылып, ата-аналарына материалдық қолдау ретінде қаржылай көмек берілді.

Мекеме басшылығының айтуынша, бұл бастама жыл сайын дәстүрлі түрде өткізіліп келеді және оның басты мақсаты – балалардың жүрегіне қуаныш сыйлау, оларға мейірім мен қамқорлықтың бар екенін сезіндіру. Сондай-ақ, мекеме ұжымы осындай игі істер арқылы қоғамға үлгі болуды көздеп отыр.

“Балалардың күлкісі мен шынайы қуанышы – біздің ең үлкен сыйлығымыз. Бүгінгі мереке – тек қана балаларды қорғау күні емес, сонымен қатар әрбір ересек жанның балалық шаққа саяхат жасап, ізгілік пен мейірімге бет бұратын ерекше күн”, – деді №59 мекеме бастығы.

Бұл шара тек материалдық көмек берумен шектелмей, балалармен жылы жүздесу, әңгімелесу және олардың арман-тілектеріне құлақ асу арқылы рухани қолдау көрсетуді де мақсат етті. Мұндай игі бастамалар қоғамда бірлік пен жанашырлық сезімін нығайтып, болашақ ұрпақтың жүрегіне мейірім дәнін себеді.