Жамбыл облысының мемлекеттік кірістер органдары Полиция департаментінің қызметкерлерімен және жеке сот орындаушыларымен бірлесіп, көлік құралдарына салынатын салық бойынша берешек соманы өндіру мақсатында рейдтік іс-шаралар жүргізуде, деп хабарлайды aqjolgazet.kz
Биылғы жылдың басынан бері 115 рейдтік іс-шара өткізіліп, нәтижесінде 605 жеке тұлға 63,4 млн теңге көлемінде төлем жасаған. Бұл рейдтік іс-шаралар тұрақты түрде жүргізіледі.
2025 жылғы 21 мамырдан бастап күн сайын рейдтік іс-шаралар өткізілуде. Соның нәтижесінде 92 жеке тұлға 6,5 млн теңге көлемінде төлем жүргізді.
Көлік салығының мөлшерін kgd.gov.kz веб-порталындағы калькулятор немесе e-Salyq Azamat мобильді қосымшасы арқылы өз бетінше есептеуге болады.
Көлік салығын төлеу тәсілдері:
egov.kz порталы арқылы – "Салықтар және қаржы" бөлімінде (банк картасымен);
банктердің мобильді қосымшалары арқылы;
банк бөлімшелерінің кассаларында;
"Қазпошта" бөлімшелері мен post.kz сайты арқылы.
Айта кетейік, көлік салығын төлемеген жағдайда, борышкерлердің көліктері «айыппұл тұрағына» қойылады.
Ұқсас жаңалықтар
