Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оп тимизм» атты Жолдауында: «Біз жұмысшы маман дықтарын дәріптеу арқы лы қоғамда еңбекқор және нағыз маман болу идеясын насихаттаймыз. Бұл «Адал азамат – Адал еңбек – Адал табыс» қағидатына толық сай келеді. Қоғам да еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады. Жұмыстың жаманы жоқ, кез келген еңбек – қадірлі. Ең бастысы, әркім жауапкершілікті терең сезініп, өз міндетін сапалы атқаруға тиіс. Сонда ғана еліміз дамудың сара жолына түседі», – деп атап көрсетті.
Президенттің бастамасымен жүзеге асқан «Жұмысшы мамандықтары жылы» аясында биыл аймақта 37 инвестициялық жоба жүзеге асырылып, 1300-ден аса жаңа жұмыс орны ашылады деп күтілуде. Бұл жұмыс орындарының 91 пайызы жұмысшы мамандықтарына тиесілі болмақ және осы салаға деген сұранысты арттырады деп көзделуде. Ал, өңірдегі «Қазфосфат», «Жамбылгипс», «Имстальком» және «Энерджи Тараз» секілді өндірістің өзегі саналатын кәсіпорында мыңдаған жерлестеріміз еңбек етуде.
Бастысы, бұл кәсіпорындар жаңа жұмыс орындарын ашып, өңірдің әлеуметтік-экономикалық дамуына зор үлес қосуда. Тиісінше, 2025-2026 жылдары ІТ hub орталығын ашу, халықаралық салалық аккредиттеуден өту, кәсіпорындар мен мекемелердің сұранысына мақсатты білім беру тапсырысын ұлғайту, жаңа мамандық ашу жұмыстары жалғасын таппақ. Сонымен қатар, орта мектептерде кәсіби бағдар беру кабинеттері жасақталатын болады.
Айта кетейік, қазіргі таңда облыстағы 42 колледжде 28 мыңнан аса жас білім алуда. Сондай-ақ, мемлекеттік тапсырыс бойынша оқитын студенттер қатары да артты. 2022 жылдан бастап кәсіпорындардың нақты сұранысына сәйкес, мақсатты кадр даярлау жұмыстары басталды. Колледждерде заманауи мамандықтардың сұранысқа ие түрлеріне басымдық беріліп келеді. Соңғы үш жылда мемлекеттік тапсырыспен білім алған 8 мыңнан астам түлектің 86 пайызы еңбекпен қамтылған.
Өңірге қажетті және сұранысқа ие жаңа мамандықтарды анықтауда алғашқылардың бірі болып жаңа мамандықтар атласы әзірленді. Ал, колледждер мен жұмыс берушілер арасындағы әріптестікті нығайту әрі түлектердің жұмысқа орналасуын қамтамасыз ету мақсатында бас-аяғы 8 меморандумға қол қойылды. Бұл құжаттар кадрларды даярлау ісін жандандыруға бағытталған.
Есен ӨТЕУЛІ
Ұқсас жаңалықтар
