Ұлыстың ұлы күні – Наурыз мерекесіне орай наурызнаманың «Спорт күнінде» Ықылас Дүкенұлы атындағы Тараз қалалық мәдениет үйінің ұйымдастыруымен «Ер қаруы – бес қару» ұлттық ойындар фестивалі өтті.
Сайыста талапкерлер садақ ату, арқан тарту, кір тасын көтеру, ләңгі тебу, қол күрес түрлерінен сынға түсті. «Сен тұр, мен атайын» дейтін кілең саңлақ жігіттер жиналған жарыс өте қызықты өтті. Жарыс соңында аталған қалалық мәдениет үйінің басшылығы мен Тараз қаласы әкімдігі дене шынықтыру және спорт бөлімінің мамандары қорытындылап, әр сайыс бойынша жеңімпаздарды анықтады. Жеңімпаздар мен жүлдегерлер диплом, медаль, бағалы сыйлықтармен марапатталды .
Есет ДОСАЛЫ
Тараз қаласы
Ұқсас жаңалықтар
