Нұрдәулет Жұмағали Паралимпиада ойындарының финалында SB13 санатында 100 метрге брасс әдісімен жүзуден бақ сынап, ел қоржынына күміс медаль сыйлады.

– Франция астанасы Парижде өтіп жатқан Паралимпиада ойындарында жүзуден күміс медаль жеңіп алған жерлесіміз Нұрдәулет Жұмағалиды шын жүректен құттықтаймын! Нұрдәулет Паралимпиада ойындарының финалында SB13 санатында 100 метрге брасс әдісімен жүзуден бақ сынап, ел қоржынына күміс медаль сыйлады. Осылайша жамбылдық жүзу шебері төрт жылда бір келетін дүбірлі додада отандастары мен жерлестерінің, жанкүйерлерінің сенімін ақтады. Нұрдаулет Жұмағалиды Паралимпиада ойындарының екі дүркін жүлдегері атануымен құттықтаймын!Келесі байрақты бәсекеде параспортшымыз чемпион атанады деп сенеміз. Барша қазақстандық параспортшыларға сәттілік, жеңіс тілеймін! – деп, аймақ басшысы желіде жылы лебізін білдіріді.