Бұған дейін биыл 1 270,6 мың гектар алқапты өңдеуге республикалық бюджеттен 4,2 миллиард теңге бөлінген болатын.

«Шегірткенің таралуының 11 жылдық циклінің шарықтау шегі 2023-2024 жылдары болғанына байланысты және 2024 жылға қарай шегірткелердің таралуының жаңартылған болжамы өсіп, 2,5 миллион гектарды құрады. Өткен жылғы көрсеткіштен бұл шамамен 1 миллион гектарға артық. Сондықтан Үкімет резервінен қосымша 3,9 млрд теңге бөлінді», - делінген ресми хабарламада.

Жауапты ведомствоның мәліметіне сүйенсек, отандық және шетелдік өндірушілердің фитосанитариялық мақсаттағы пестицидтерінің қажетті көлемі сатып алынған. Олардың ішінде шегірткелерге қарсы күресте өз тиімділігін көрсеткен препараттар: «Карат супер», «Тиаметрин», «Фипрон», «Эсперо», «Койра» бар.

Ведомствоның мәліметінше, мұндай шегірткенің көп таралуы бұрынғы жылдары да болған. Мәселен, 2014 жылы 4,7 миллион гектар, 2000 жылы 8,1 миллион гектар өңделген.