Төлебек Болатұлы 1993 жылы Жамбыл облысы, Талас ауданында дүниеге келген. 2015 жылы Қазақ гуманитарлық заң университетін «Экономика» мамандығы бойынша бітірген.

Еңбек жолын 2015 жылы «Самұрық-Қазына» корпоративтік университеті жеке меншік мекемесінде аутсорсинг секторының консультанты болып бастаған.

2015-2016 жылдары Астана қаласындағы «Қорғау инжиниринг» ЖШС әкімшілік басқармасының экспедиторы, инженерлік-техникалық басқармасының менеджері, инженері;

2016-2017 жылдары Ақтау қаласындағы «МАЭК Қазатомпром» ЖШС заңгері;

2017-2021 жылдары Жамбыл облысы әкімдігі ауыл шаруашылығы басқармасының бас маманы, бөлім басшысы;

2021-2022 жылдары С.Сейфулин атындағы Қазақ Агротехникалық университеті активтерді басқару департаментінің менеджері;

2023-2024 жылдары ҚР Ауыл шаруашылығы министрлігі егіншілік департаменті агромелиорация басқармасының бас сарапшысы, қаржылық құралдар және микрокредит беру департаменті микрокредиттің берілуін мониторингтеу басқармасының басшысы қызметтерін атқарды.