Талас аудандық тарихи- өлкетану музейі жүздеген құнды жәдігерге толы. Соның бірі – Ресейдің Тула қаласынан әкелінген үлкен самаурын. Аталған қаладағы «Фамин» зауытынан шыққан самаурын 124 жылдан бері сақталып келеді екен.
Бұл жәдігерді Қаратаудағы аудандық музейге өткізген белгілі айтыс ақыны Шорабек Айдаров. Кезінде Ақкөл ауылы аудан орталығы болып тұрған кезде аудандық музейдің құнды жәдігері саналған самаурынға таластықтар талай тамсанған.
Бұл туралы аталған тарихи - өлкетану музейінің директоры Ербол Қашаған: «Бұл самаурын – ерекше жәдігер. Қазақ халқы үшін самаурынның қасиеті ерекше ғой. Сондықтан болар, бұл жәдігерді тамашалауға келетіндер өте көп. Тәулігіне оншақты кісі тамашалап, құндылығына көңіл аударып кетеді. Біздегі құнды жәдігердің бірі осы», – дейді.
Есет ДОСАЛЫ
Талас ауданы
Ұқсас жаңалықтар
