Бүгін Қазақстанның Еңбек Ері, жазушы, композитор, өнертанушы, суретші Илья Жақанов 88-ші көктемін қарсы алды, деп хабарлайды aqjolgazet.kz Ілия Жақанов 1936 жылы 6 мамырда Жамбыл облысы, Сарысу ауданында, Ақтоғай аулында дүниеге келген. Ол Жамбыл облысы, Сарысу ауданының, Атырау облысы, Ақжайық ауданының Құрметті азаматы. Ел ішінде композитордың «Алматы кешінде», «Асылым», «Жайлаукөл кештері» әндері кеңінен танымал.

Мемлекет басшысы Қасым-Жомарт Тоқаев «Менің Жарлығыммен еліміздің ең жоғары атағы аса құрметті композитор, жазушы, өнертанушы Илья Жақановқа беріледі. Илья Жақанов қазақ мәдениетінің тұғырлы тұлғасы. Оның әуезді әндері, әдеби туындылары және зерделі зерттеулері ұлт руханиятына қосылған құнды қазына. Ол халқымыздың рухани байлығын еселеп, ұлттық музыка өнерін дамытуға өлшеусіз үлес қосқаны үшін Қазақстанның еңбек ері атанды», – деп, жерлесімізге үлкен баға берген еді.