Бүгін «Әулие-ата» кәсіпқой клубының басшысы Нұрдәулет Момынов, көкпардан жаттықтырушысы Жұлдызхан Тайырбеков және команда капитаны Есжан Құрманбаймен кездесіп, көкпардан Қазақстанның 13 дүркін чемпионы атануымен құттықтадым. Тараз қаласында ұйымдастырылған көкпардан ересектер арасындағы ХХІІ Қазақстан Республикасының чемпионатында облыс командасы өздерінің мықтылығын тағы бір дәлелдеді. Тартысты бәсекеге еліміздің 15 өңірінен 171 спортшы қатысқанын ескерсек, бұл жарқын жеңіс – аймақтағы ұлттық ат спортының беделін айғақтап, барша жерлестеріміздің мерейін тасытқаны сөзсіз. Кездесуде күн тәртібіндегі бірқатар мәселелер талқыланды. Алдағы уақытта кәсіпқой клубқа арнайы барып, жағдайымен танысып, спортшылармен кездесетін боламын. Спортшыларға ризашылығымды білдіре отырып, алдағы уақытта да тек сәттіліктер тілеймін! Облыс спортының мәртебесі арта берсін!  

Ербол ҚАРАШӨКЕЕВ

Жамбыл облысының әкімі