Ташкент қаласында каратэ «WSF»-тен Әлем чемпионаты өтті. Оған 31 мемлекеттің үздік жасөспірімдері қатысты. Аталған байрақты додаға біздің облыстан каратэ «WSF»-тен жаттықтырушы Бағлан Құлбаевтың талантты шәкірттері қатысты. Бағлан Нұрланұлы негізінен Тараз қаласындағы №49 мектеп-гимназиясының базасында «Барыс» үйірмесін ашып, шәкірттерді жаттықтырады. Оның шәкірттері осы кезге дейін ел чемпиондары атанып үлгерді. Бұл Әлем чемпионатында да Бағланның жас шікірттері жарады. Атап айтқанда, 10-11 жас аралығында 38 килограмда Саян Темірбек, 14-15 жас аралығында +50 килограмм салмақтағы қыздар арасында Нұрай Сәрсенбай, 10-11 жастағы қыздар арасында Айару Қалысбек чемпион атанды. Әлем чемпионатында 9-10 жас аралығында +43 килограмм салмақта Ақтөре Сүлеймен, 7-9 жас аралығында 42 килограмм салмақта Нұрислам Қылыш, 12-13 жас арасында 45 килограмм салмақта Нүркен Нұрзатұлы, қыздар арасында 43 килограмм салмақта Сабина Мұқан күміс жүлдеге ие болды. Сондай-ақ, 8 жасөспірім спортшыға қола жүлде бұйырды. Олар 12-13 жас аралығында Ерасыл Темірбек, 10-11 жас аралығында Дидар Нұрзатұлы, 12-13 жас аралығында 40 килограмм салмақта Әли Ерғали, 12-13 жастағы 45 килограмм салмақта Адина Нұрланқызы, 12-13 жас аралығында +56 килограмм салмақта Ернұр Әлжанұлы, 10-11 жас аралығында 34 килограмм салмақтаДиас Қуатбек, 11- 12 жастағы 40 килограмм салмақта Әмір Кеңесбай, 11-12 жастағы қыздар арасында 40 килограмм салмақта Альбина Әжібек қола жүлдеге қол жеткізді. – Бұл Әлем чемпионаты аса ірі жарыстың бірі. Біздер жақсы дайындықпен бардық. Әлем чемпионатына ешбір ел осал спортшысын жібермейді. Сондықтан, шәкірттерімнің әр жеңісін бағалаймын. Олар сенімді ақтады. Сол үшін қуаныштымын. Енді шәкірттеріммен басқа байрақты жарыстарда жақсы нәтиже көрсету үшін жаттығуды жалғастырамыз, – дейді бапкер Бағлан Құлбаев.  

Есет ДОСАЛЫ

Тараз қаласы