«AMANAT» партиясының аудандық филиалының ұйымдастыруымен республикалық акция аясында ұлағатты ұстаздар арасында волейболдан аудандық турнир өтті. Жамбыл атындағы орта мектепте өткен жарысқа 12 команда қатысты. Нәтижесінде, Макаренко атындағы орта мектептің ұжымы өзгелерден оқ бойы озық шығып, үздік атанды. Ал, жүлделі ІІ орын Жамбыл атындағы орта мектепке бұйырса, №1 орта мектептің намысын қорғаған құрама команда үштікті түйіндеді. Бұдан бөлек, «Көлқайнар» бастауыш партия ұйымы жарыстың жоғары деңгейде өтуіне атсалысқаны үшін марапатталды. Сондай-ақ, бұл турнирде әдемі ойын өрнегін көрсеткен ойыншылар мен үздік төрешілерге де сый-құрмет көрсетілді.  

Дайындаған Есен ӨТЕУЛІ