![Шын жүйрікке тұсау жоқ](https://aqjolgazet.kz/uploads/resized-images/2023/04/22ac1df2-ddc6-4372-bccc-1fe998cf2b0e.jpeg)
Шын жүйрікке тұсау жоқ
«Тараз-Арена» спорт кешенінде «Қазақстан барысы» облыстық турниріне Тараз қаласы бойынша іріктеу жарысы өтті. Іс- шара барысында қазақ күресінен еңбек сіңірген жаттықтырушы Марат Жахит, қазақ күресінен облыстық федерацияның құрметті президенті Жетпісбай Медеуов сөз алып, жарысқа сәттілік тіледі. Жарысқа ұлттық дәрежедегі төреші Руслан Мұхамедқалиев бас төреші болды. Боз кілемде оннан астам балуан абсолюттік салмақ дәрежесі бойынша шын мықтыны анықтады. Күрес шапанын киіп шыққан балуандардың барлығы да аянып қалған жоқ. Дегенмен, шын жүйрікке тұсау жоқ. «Қазақстан барысы» республикалық турнирінің қола жүлдегері Айбол Айтбек бұл жолы да бабында екенін байқатты. Ол алғашқы қарсыластарын тегіс ұтып, жартылай финалда Заңғар Жаңабекті ұтып, финалда Айдар Бескемпірден басым түсті. Осылайша, Айболдың асығы алшысынан түсіп, облыстық турнирге жолдама алды. Ал, үшінші орын үшін таласта Заңғар Жаңабек қарсыласын қапы қалдырды.
Жеңімпаздарды марапаттау рәсіміне Тараз қаласы әкімінің орынбасары Дәуір Дәулет қатысып, сөз сөйледі. «Қазақ күресі – қазақ жігіттерінің болмысы мен намысы. Біз облыстық турнирде Айбол Айтбекті намысты қолдан бермейді деп сенеміз. Оған балуанның тәжірибесі жетеді» дей келе, жеңімпаздар мен жүлдегерлерді медаль, диплом және қомақты қаржылай сыйлықтармен марапаттады.
Есет ДОСАЛЫ
Тараз қаласы
Ұқсас жаңалықтар
«Тараз»: талап бар, талпыныс жоқ
- 30 шілде, 2024
Аймаққа 156 мыңнан астам турист келген
- 25 шілде, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді