Көлік ұрлаған тараздық құрықталды
Тараз қалалық полиция басқармасына шаһар тұрғыны хабарласып, белгісіз тұлға шағынаудандағы үй маңында орналасқан автотұрақтан ақ түсті «Тойота Альфард» автокөлігін айдап кеткені туралы шағымданған. Тәртіп сақшылары аталған дерекке сәйкес бірден іске кірісіп, жедел алдын алу шараларын жүзеге асырады. Нәтижесінде, Талас ауданының орталығы Қаратау қаласындағы көшелердің бірінен тараздық азамат құрықталды. Бүгінде 29 жастағы жігіттің бұрын сотты болғаны анықталып отыр. Қазіргі таңда аталған дерекке қатысты Қылмыстық Кодекстің 200-бабының 1-бөлігімен (автомобильді немесе өзге де көлік құралын жымқыру мақсатынсыз құқыққа сыйымсыз иемденіп алу, айдап әкету) сотқа дейінгі тергеп- тексеру амалдары жүргізілуде.
Атап өткен жөн, облыстық полиция департаменті тұрғындарға автокөліктерін үй аулаларына, автотұрақтарға қалдырған кезде күзет қызметіне мұқият болуды, қараңғы жерлерде ұзақ уақытқа қоймауды және құжаттар мен құнды заттарды көлік ішіне сақтамауды ескертеді.
Есен ӨТЕУЛІ
Ұқсас жаңалықтар
Жамбыл жастарының белсенділігі жоғары
- 10 қыркүйек, 2024
Балалардың амандығы маңызды
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді