![Жыл басталғалы – 32 медаль!](https://aqjolgazet.kz/uploads/resized-images/2023/01/c88f7af4-0649-44d6-871c-e970a803f3b9.jpeg)
Жыл басталғалы – 32 медаль!
Алматы қаласында қазіргі бессайыстан Қазақстан Республикасының ашық кубогы өтті. Аталған жарыста еліміздің бірнеше облысынан 120 спортшы бақ сынады. Жарысқа Өзбекстанның Ташкент қаласынан да құрама команда келіп қатысты. Бұл жарыстың бәсі жоғары екенін осыдан да біле беруге болады. Бұл сайыстан әртүрлі жас ерекшелігі бойынша облыстағы «Олимпиада жеткіншектерін даярлау орталығы» коммуналдық мемлекеттік мекемесінің жаттықтырушысы С.В.Селиверстованың шәкірттері жақсы нәтиже, жоғары жетістікпен оралды. Атап айтқанда, М.Афанасьев, А.Лапшин, Н.Базархан, А.Серікбай, А.Жирякова, А.Қазыбекова, Д.Щедрова, эстафеташы А.Карим жеңімпаз және жүлдегерлер қатарынан көрінді.
Осы жарыстан соң жамбылдықтар рейтингте көрсеткіштерін жақсарта түсті. Олар 12 алтын, 11 күміс, 7 қола медальді еншіледі.
Сондай-ақ Астана қаласында жеңіл атлетикадан 20 жасқа дейінгі жасөспірімдер арасында ҚР чемпионаты өткен болатын. Оған еліміздің барлық облыстарынан 272 спортшы қатысты. Аталған жарыста біздің орталықтың спортшысы Ринат Кулыгин 2 мың және 3 мың метр қашықтыққа жүгіруден ел чемпионы атанды. Жаттықтырушысы – Зифа Галиулина. Ринаттың Меркі ауданындағы №4 спорт мектебінің түлегі екенін де айта кеткеніміз жөн.
Сондай-ақ қордайлық Виктория Сукачева, 800 метрге жүгіруден төртінші орыннан көрінді. Ал Ульяна Лешинская алтыншы орынмен шектелді. Екеуі де А.Ахметова бапкерден тәлім алған. Осылайша жыл жеңіспен басталды.
Әшірәлі КЕНЖЕҒАРА,
«Олимпиада жеткіншектерін даярлау орталығының» қызметкері.
Ұқсас жаңалықтар
«Тараз»: талап бар, талпыныс жоқ
- 30 шілде, 2024
Аймаққа 156 мыңнан астам турист келген
- 25 шілде, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді