Тараз қаласында таэквондо (WT) спорт түрінен «КING CLUB TARAZ» ашық имидждік турнирі өтті. Балалар мен жасөспірім арасында өткен 3 күндік додаға 850-ге жуық спортшы тіркелді. Облыста ашылып отырған «КING CLUB Taraz» президенті болып Бағлан Джунусалиев тағайындалды. Еліміздің барлық облысынан және Қырғыз Республикасынан келген спортшылар тартысты ойын өрнегін көрсетті. «КING CLUB ASTANA» президенті Арал Садықовтың атынан арнайы сыйлықтар берілді. Жеңімпаздар бағалы заттармен және дипломдармен марапатталды.