Президент Нұрсұлтан Назарбаев «Нұр Отан» партиясы Саяси кеңесінің кеңейтілген отырысы аясында «Нұрлы жол – болашаққа бастар жол» атты Қазақстан халқына Жолдауын жариялайды деп ешкім күтпеген болатын. Сондықтан да бұл қазақстандықтар үшін көңіл аударып, құлақ түрерлік елеулі оқиға болды. Жолдаудың парасатты пайымға толы әр сөзін Елбасының ел деп соққан үлкен жүрегінің жыры мен сыры деп ұғуға болады. – «Нұрлы Жол» Жаңа Экономикалық Саясаты – әлемнің ең дамыған 30 елінің қатарына бару жолындағы біздің ауқымды қадамымыз, – деді Елбасы. Сонымен, Мемлекет басшысы ұлғайып келе жатқан әлемдік экономикалық дағдарыстың ел жағдайындағы қаупінің алдын алу үшін жедел іске көшіп, «Нұрлы жол» Жаңа Экономикалық Саясатының басымдықтарын жария етті. Ұлт мүддесі үшін сары майдай сақтап жүрген Ұлттық қор қаражатынан қомақты қаржы бөліп, ел әлеуетін арттыра түсуге Үкіметке тапсырма беріп, Ұлықтық танытты.

Елбасы, «Нұр Отан» партиясының Төрағасы Нұр­­­сұлтан Назарбаевтың төрағалық етуімен партия Саяси кеңе­­­сінің кеңейтілген отырысы болып өтті. Отырыста Елбасы Нұрсұлтан Назарбаев Қазақстан халқына өзінің кезекті Жолдауын жариялады. Отырысқа Үкімет, Парламент, Президент Әкімшілігі басшы­­­лығындағы Саяси кеңес мү­­­ше­­­лері, «Нұр Отан» партиясы Мә­­­жі­­­лістегі фракциясының депутаттары, орталық және жергілікті мемлекеттік органдар басшылары қатысты. Биыл «Нұр Отан» партия­­сының құрылғанына 15 жыл толады. Алғашқы құрылған күнінен бастап біздің партия тың бас­тамалар көтеріп, мемлекет­тік жауапты шешімдердің қабылдануына ұйытқы болып жүр. Ол елдің мүддесін қорғайтын, халықтың керегін жоқтайтын нағыз халықтық партия екенін көрсетіп келеді. Сол себепті де өткен сайлаулардың бәрінде көпшіліктің сеніміне ие болды. Біз осы бағытта жұмыс істей беруіміз керек, деп бастады Президент өзінің кеңейтілген отырыстағы сөзін. Одан әрі Нұрсұлтан Назарбаев 2017 жылға дейінгі кезеңге белгі­ленген міндеттердің 70 пайызы екі жарым жылдың ішінде орын­дал­ғанын айтты. Мәселен, партия 2017 жылға қарай кедей­ші­лік деңгейін 6,1 пайызға төмендетуді мақсат еткен еді. Бүгіннің өзінде бұл көрсеткіш 2 есе төмендеп, 3 па­йызға жетті. Жұмыссыздық 5 жыл­да 5,4 пайызға дейін қысқара­ды деп жоспарлаған едік, ол қа­зір 5 пайыздық деңгейде, деді Н.Назарбаев. Одан әрі Елбасы Саяси кеңестің кеңейтілген отырысының күн тәр­тібіндегі бірінші мәселе – 2011 жылдан 2017 жылға дейінгі мер­зімге қабылданған «Ұлттық іс-қимыл жоспары» тұғырнамасын орындаудың кезеңдік нәтижелері және екінші мәселе – Сыбайлас жемқорлыққа қарсы іс-қимылдың 2015-2025 жылдарға арналған бағдарламасының жобасын тал­қылауға арналатынын айтты. Біз партияның Сайлауалды тұғыр­намасының бүгінгі күнге дейін атқарған және алдағы уақыттарда атқаратын жұмыстары жөнінде халықтың алдында есеп беруіміз керек, дей келіп, бірінші мәселе бойынша сөзді Саяси кеңестің мүшесі, Премьер-Министрдің бірінші орынбасары Бақытжан Сағынтаевқа берді. Елдің әлеуметтік-экономи­ка­лық дамуы бойынша көптеген оң көрсеткіштерге қол жет­кі­зілді. Соның ішінде партия тұ­ғыр­намасында белгіленген 70 көр­сеткіштің 49-ы бойынша оң нәти­жеге қол жеткізіліп, 16-сы мер­зімінен бұрын орындалды, деп бастады бірінші вице-премьер өзінің сөзін. Одан әрі Б.Сағынтаев үс­ті­міздегі жылдың экономикалық көр­сеткіштеріне тоқталып өтті. Со­ның ішінде күрделі эконо­мика­лық және геосаяси қиын­шылық­тарға қарамай, ІЖӨ-нің 10 айдағы өсімі 4 пайыз болғанын айтты. Ал инфляция деңгейі 6-8 пайыз дәлі­зінде болды. ІЖӨ-нің жан басына шаққандағы көлемі 13,6 мың АҚШ доллары көлеміне жетті. Елдің ха­лық­­аралық активі де сызбадағы көр­сет­кіштерден арты­ғырақ көлем­де өс­ті. Ұлттық қор­дың үлесі 2017 ж­ы­лы ІЖӨ-нің 30 пайызына жетеді деп көзделсе, ол қазірдің өзінде 34,7 па­йыздық үлеске жетіп отыр. Ин­­­дустрияландыру картасын іске асыру шеңберінде 3 трлн. тең­­гені құ­райтын 673 жоба іске асыры­лып, 69 мың тұрақты жұмыс орын­дары ашылды. Қабылданған ша­ра­лар­дың нәтижесінде өңдеу кә­сіп­­­­орын­дарының өсімі тау-кен өн­­­ді­рісі­нің алдына шықты, деді Пре­мьер-Ми­нистрдің бірінші орынбасары. Алайда, қуат тасымалдау­шы­лар бағасының өскендігіне байланысты оның қаражатқа шаққандағы үлесі ІЖӨ-нің 2011 жылғы 11,3 па­йы­зын құрағаннан 2013 жылы 10,3 пайызға түскенін атап өтті. Одан әрі бірінші вице-премьер жол салу бағытындағы жетістіктер туралы айтты. Соның ішінде партия Үкі­мет­тің алдына 2017 жылға дейін 453 шақырым жол салу жөнінде міндеттеме қойған болса, бүгінгі күннің өзінде бұл көрсеткіш 1250 шақырымға жетті және оны ұзарту одан әрі жалғасуда. Қазақстанға инвес­тиция тарту мүмкіншіліктері де жоғарылады. Жыл сайын 12 млрд. АҚШ доллары көлемінен астам инвестиция тартылып, ол Ресей, Түркия, Бразилия секілді алып елдерден асып отыр. Отандық бизнесті дамыту жолындағы кедер­гілерді жою бағытында маңызды шаралар қабылданды, деді ол. Жыл аяғына дейін барлық рұқ­сат беру жүйесі электронды пі­шімге ауыстырылатынын, Елба­сы­­ның тапсырмасы бойынша ша­ғын және орта бизнесті дамыту үшін Ұлттық қордан бөлінген 100 млрд. теңге толығымен игеріл­ге­­нін атап көрсетті. Банктер 4,5 мың жұмыс орындарын ашқан 437 жо­баны қаржыландырды. Бұ­ған қосымша, «Бизнестің жол кар­тасы-2020» бағдарламасы бо­йын­ша құны 1 трлн. теңгені құ­­рай­­тын 4464 жоба субсидиялан­ды, де­ді Б.Сағынтаев. Одан әрі шешен «Агробизнес-2020» бағдар­ла­масын іске асыру шең­­берінде АӨК мем­лекеттік қол­даудың жа­ңа тетіктері іске асырылып жат­қанын жеткізді. Экономиканың өсуі азаматтардың әл-ауқатын арт­­­ты­руға, елдегі әлеу­меттік тұ­рақ­­ты­лық­ты қамта­масыз етуге мүмкіндік берді. Жан басына шаққандағы ақша­лай табыстар үш жыл ішінде 22 пайызға, нақты жалақы 21 па­йыз­ға өсті, деді әрі қарай ол. «Жұмыс­­пен қамту-2020» бағдар­ламасы іске асырылып, 400 мың­­нан астам адам жұмыспен қамтылды. Бүгінгі күні 36500 ауыл тұрғынына шағын несие берілді. Оның 25 мыңнан астамы өздерінің ісін ашып, қосымша 29 мыңнан астам жұмыс орындары ашылды. «Халықтық ІРО» бағдарламасын іске асыру жалғасуда. Білім бе­ру саласына қатысты айтсам, 1755 жаңа балабақша ашылды. Елі­міздің 13 өңірінде «Назарбаев зияткерлік мектебі» бой көтерді. Барлық мектептердің 67 пайызы кең жолақты Интернетке қосылды. Бағдарламаны заңнамалық тұр­ғыдан қамтамасыз ету мәселе­лері бойынша Мәжіліс Төрағасының орынбасары Дариға Назарбаева баяндама жасады. Ол аталған мерзімде қазақстандықтардың әл-ауқатын жақсартуды заңна­малық тұрғыдан қамтамасыз етуді көздеген 258 заң жобасы мақұлданып, Сенат­қа жіберілгенін және оның 240-тан астамы кү­шіне енгенін жет­кізді. Соның ішін­де бала туғанда төленетін бір рет­тік жәрдемақының, Семей ядро­лық сынақ полигонында зар­дап шеккендерге берілетін өтем­­ақының өскенін және ха­лы­қ­ты зейнетақымен қамту жөнін­дегі заңның жетілдірілгенін атап өт­ті. Жалпы айтқанда, әлеу­­мет­­тік бағ­дар бойынша 31 заң қа­­был­дан­ға­ны жеткізілді. Со­ның 8-і пар­ла­ментарийлердің бас­тамасымен әзір­ленді, деді вице-спикер. Одан әрі Д.Назарбаева мемле­кет­тік қызмет көрсету, кәсіпо­дақ­­тар, еңбек мигранттары ту­ра­лы заңдардың әлеуметтік маңыз­ды­лығына тоқ­талды. Нұротандық депу­таттар балалардың дамуына және ден­саулығына зиянды ақпа­рат­тар­дан қорғау, қайырымдылық және демеушілік істерін қолдау, ең төменгі стандарттар мен кепіл­діктер жөніндегі және т.б. заң жобаларына бастамашы болды, деді Д.Назарбаева. Сонымен қатар, оның баяндамасынан қазіргі уа­қытта Мәжілістің қоржынында халықтың денсаулығын сақтауды жақсарту, мемлекеттік жастар сая­саты және т.б. заң жобалары жат­қаны белгілі болды. Үшінші сөз «Нұр Отан» пар­тия­сы Төрағасының бірінші орын­басары Бауыржан Байбекке берілді. Ол партия жұмысын ұйым­дастырудың негізгі бағыт­тары туралы баяндады. Алдымен ол тұрғындармен жұмыс істеудің жанданғанын тілге тиек етті. Осы жылдың бірінші жартысында лауазым иелерінің азаматтарды жеке мәселелері бойынша қабыл­дауы 4 есеге артып, 9 мыңнан асты. Өтініштердің 70 пайызы бо­йынша нақты шаралар қабыл­данды. Сөйтіп, ағымдағы жылы 500 мыңдай адам партияның қа­былдауына келді. Мұның өзі халықтың ішкі тынысын сезуге үлкен жәрдемін тигізді, деді ол. Одан әрі Б.Байбек Мәжілістегі партия фракциясы мүшелерінің қатысуымен жыл сайын Үкі­мет отырысы өткізілетінін айт­ты. Сондай-ақ, Мәжілістегі фрак­­ция мен барлық деңгейдегі партия депутаттарының өзара ық­пал­дастығы күшейгені жеткізілді. Тұғырнаманың орындалуын ба­қылауды күшейтуге азаматтық сектордың қатысуы да тиімді бол­ған. Одан әрі Б.Байбек пар­тия­ның ардагерлерге, жетім балаларға, 2 мыңдай мұқтаж отбасыларға көмек көрсеткенін айтты. Сондай-ақ, жасалған нақты шаралар туралы да айтып өтті. Соның ішінде Ұлт­тық кәсіпкерлер палатасымен бірлесе отырып шағын және орта бизнесті қолдау, кәсіпкерлік рухты ояту бойынша кешенді жұмыстар атқарылғаны айтылды. Мүмкіндігі шектеулі жандарды қолдауға арналған шаралар да үнемі өткізіліп тұрған, соның ішінде, оларға арналған 400-ге жуық жұмыс жәрмеңкесі ұйымдастырылыпты. Нәтижесінде 8800 жан жұмысқа орналастырылыпты. Сөзінің соңында Б.Байбек «Қазақстан-2050» Стратегиясы аясында партия тұғырнамасын түсіндіру жұмыстары да белсенді жүргізіліп жатқанын жеткізді. Атап айтқанда, тек мәслихат депу­­таттары ғана бірінші жарты­жылдықта 8 мыңдай кездесу өткізіп, түсіндірме жұмыстарын жүргізді және есептер берді, деді ол. Бұдан кейін сөз алған Ұлттық кәсіпкерлер палатасының төр­ағасы Абылай Мырзахметов ел­дегі кәсіпкерлікті дамыту ба­ғы­тында атқарылып жатқан жұмыстар төңірегінде ой қозғады. Кәсіпкерлікті дамыту – «Нұр Отан» партиясының сайлауалды тұғырнамасының ең негізгі басымдықтарының бірі. Қазіргі таңда халықаралық нарықтағы тұрақсыздық жағдайында отан­дық бизнеске мемлекет тарапынан қолдау таныту, қолайлы инвестициялық климат қалып­тастыру – кәсіпкерліктің жандануына, жалпы алғанда, ұлттық экономиканың нығаюына жол ашуда. Ағымдағы жылдың соңына дейін Сіздің арнайы тапсырмаңызға орай, ел кәсіпкерлерін тексеруге мораторий жариялануының нәти­жесінде рұқсат беру құжат­тарының саны 30%-ға дейін азай­­ды. Ал «Нұр Отан» партиясы фрак­циясының қолдауымен «Рұқ­саттамалар мен ескертулер тура­лы» арнайы заң қабылданды, деді Абылай Исабекұлы Елбасыға айтқан сөзінде. Бұл орайда, Мем­лекет басшысы: «Бірақ, мораторий мерзімінің бітуіне де аз ғана уақыт қалды. Одан кейінгі жағдайға сен­дердің дайындықтарың қа­лай? Елі­міздің азаматтарына кәсіп­кер­ліктің қыр-сыры мен бүге-ші­ге­сін үйретіп, оның көзін табуға қан­шалықты бағыт-бағдар бере алдыңдар?» деп сұрақ қойды. Бұл сауалға Ұлттық кәсіпкерлер палатасының төрағасы А. Мырзах­метов: «Біз кәсіпкерлердің құ­қын қорғауда және осыған тұрғын­дарды тартуда жергілікті жерлерде өте белсенді жұмыстар жүр­гізіп келеміз. Келесі жылдан бас­тап орын алуы мүмкін құзырлы органдар тексерісіне қатысты да тиісті дайындықтарды қолға алдық. Соның нәтижесінде шағын және орта бизнес өнімдерінің өсімі соңғы жылда 1,5 триллион теңгеден артық қаржыны құрады»,– деп жауап берді. А.Мырзахметов, сондай-ақ, Нұрсұлтан Назарбаевқа шағын және орта бизнесті тексеруге жарияланған мораторий үшін алғыс айтты. Сізге жарияланған мораторий үшін алғысымды айтқым келеді. Ол дер кезінде жарияланды, деді ол бұл турасында. Елбасы: «Ол мораторий жақында бітеді. Сосын тағы да шабуылдайды. Жаңа күшпен, демалып алған соң», – деді бизнесті тексеретін мемлекеттік органдарды меңзеп. Бұған қатысты өз ойын білдірген А.Мырзахметов Ұлттық палата мен кәсіпкерлер мораторийдің аяқталуына өздерінің дайын екенін жеткізді. Барлық жерде Ұлттық палатаның өкілі бар. Бұл бағытта Бас прокуратура белсенді жұмыс жүргізіп жатыр. Қазіргі таңда біз бұл мәселелерді бақылап, қада­ғалай алатын, ал егер қандай да бір тәртіп бұзушылық орын алып жатса, кері байланыс жасай алатын жағдайдамыз, деді ҰКП басшысы. Отырыста «Родина» агрофир­масының бас директоры Иван Сауэр де сөз алды. Екі жарым жыл бұрын «Нұр Отан» партиясының Сайлауалды тұғырнамасы қан­дай экономикалық жағдайда қабылданғанын білесіздер. Әрине, сол кезде әлемдік қоғамдастық экономикалық дағдарыс артта қалды, ешқандай қауіп жоқ деген болжам айтқан еді. Ал Елбасы, керісінше, қаржылық дағдарыстың қарқыны қатты және созылмалы болатынын айта келе, оның алдын алудың жолдарын қарастырған еді. Сол себепті, «Нұр Отан» партиясының алдына ауқымды міндеттер қойылып, оны шешу жолдары көрсетілді. Бұл міндеттер өз кезегінде нәтижелерін де бере бастады. Уақыт өте келе, мемлекет тарапынан экономиканың басым салаларын қаржыландыру жағы көбейді. Мәселен, біздің агрофирмамызда тек осы биылғы жылдың өзінде еңбек өнімділігі 17 пайызға өсіп, 43 мың АҚШ долларын құрады, деді И.Сауэр. Ол, сондай-ақ, Кеден одағы, Еу­р­азиялық экономикалық одақ отандық бизнестің дамуы­на, кәсіпкерліктің кеңеюіне жол ашады деген ойын жеткізді. Бұл, әсі­ресе, ауыл шаруашылығы сала­сында жұмыс істейтін азаматтар үшін де қолайлы болып отыр. Сондықтан, осыны ұғуымыз керек, деді ол. «Родина» агрофирмасының директоры бүгінгі таңда ел экономикасының дамуына жан-жақты жағдай жасалғанына, демек, азаматтар да соған сәйкес жұмыстар атқаруы керектігіне назар аударды. Шығыс Қазақстан облысының әкімі Бердібек Сапар­баевтың сөзі де көкейге қонымды шықты. Ол өзінің сөзінде Елба­сының басшылығымен «Нұр Отан» партиясы саяси тұрақтылықты, қоғамдық келісімді қамтамасыз етіп, мемлекеттің іргелі дамуына жағдай жасауда. Әлемдік дағ­дарысқа сәйкес, қазіргі таң­да «Нұр Отан» партиясының Сайлауалды тұғырнамасының маңызы үлкен. Қазақстанның 2050 жылға дейінгі Стратегиясын орындау мақсатында барлық деңгейдегі әкімдер эко­но­миканың даму қарқынын сақ­тап, тұрғындардың әлеуметтік жағдайын жақсартуға еңбек етуде. Тек қана Шығыс Қазақстан облысында, болжам бойынша, жылдың аяғына дейін экономиканың даму қарқыны 5,5 пайыз болады. Біздің Сайлауалды тұғырнамамыздың негізгі міндет­терінің біреуі – шағын және орта бизнесті қолдау. Абылай Мырзах­метов айтып кеткендей, тек қана Шығыс Қазақстан облысында осы 9 айдың ішінде 212 шағын және орта кәсіпорын ашылды, 2000 кәсіпкер қосылды. Ұлттық кәсіпкерлер палатасымен бірігіп, орта бизнесті дамыту картасы әзірленді. Жалпы, экономикалық белсенді жұмысшылардың 32 па­йызы осы салада жұмыс істейді, деді Бердібек Сапарбаев. Оның айтуынша, дағдарыс кезін­де Мемлекет басшысы жүк­те­ген мәселелердің бірі – әлеу­мет­тік мәселелерді шешу бол­ға­нын, осыған сәйкес, қазір әлеу­мет­тік міндеттемелер орындалып жат­қанын, мәселен, тек қана биылғы жылы Шығыс Қазақ­стан облысында 21 білім саласы нысандарының құрылысы аяқталғанын, жылдың аяғына дейін 15 нысан пайдалануға берілетінін жеткізді. Облыста соңғы кезде 83 жаңа балабақша, 38 шағын ор­та­лық ашылды. Қазіргі таңда, өңір­де балаларды балабақшамен қам­та­масыз ету 98 пайызды құрап отыр. Ал техникалық оқу орындарын бітіргендерді жұмысқа орналастыру – 60 пайыз. Денсаулық сақтау са­ласында да оң өзгерістер бар. М­ә­­селен, биылғы жылы жаңа­дан 20 ден­саулық сақтау нысаны іске қосылды. Ананың өлімі 3,4 па­йыз­ға, нәрестелердің шетінеуі 19,7 па­йызға, туберкулез ауруы 20 па­йызға төмендеді. Ал бала туу 12 па­йызға артты, деді Бердібек Мәшбекұлы. Сондай-ақ, ол өңірде атқарыл­ған басқа да жұмыстарға жеке-жеке тоқталып, бұл жұмыстардың бірінші кезекте, ел әлеуетін көтеру­ге бағытталып отырғанын айт­­ты. Бүгінгі біздің негізгі мақ­са­тымыз – «Қазақстан-2050» Стра­тегиясының орындалуын қам­тама­сыз ету. Демек, партияның Сая­си кеңесінің оты­рысы осыған серпін береді деп сенеміз, деді Б.Сапарбаев. Партия Саяси кеңесінің кеңей­тіл­ген отырысында еліміздің Қаржы министрлігі Мемлекеттік кіріс комитетінің төрағасы Дәу­лет Ерғожин де сөз сөйледі. Мем­лекет басшысының тапсырмасына сәйкес, біз электронды дек­ла­ра­циялауға көшу бағытында үлкен жұмыстар атқардық. 2014 жылы салық декларацияларының 94 пайызы электронды түрде өткізілді. Бұл көрсеткіш бойынша біз Америка Құрама Штаттарын басып оздық. Бүгінде 32 салық қызметінің 23-і толығымен автоматтандырылды. Ағымдағы жылдың 10 айы­ның ішінде ғана электронды түр­де шамамен 17 млн. қызмет көр­сетілді. Бұл олардың жалпы саны­ның 75 пайызын құрайды. Бұл көрсеткіш бойынша біз Еуропалық одақтың кей елдерінің де алдына шықтық. Біз атқарып отырған жұмыстарымыздың барысында әрдайым «2050» Стратегиясының мақ­саттары мен міндеттерін не­гіз­гі бағыт ретінде ұстанамыз. Бұл кәсіп­керлікті өркендету, кәсіп­кер­лерді қорғау, бизнес ахуалын жақ­сарту үшін де қажет. Демек, алдағы уақытта да мемлекет ал­дында тұр­ған міндеттерді орын­дауға тырысатын боламыз, деді Д.Ерғожин. «Нұр Отан» партиясы Саяси ке­ңесінің кеңейтілген отырысын қорытындылаған Мемлекет бас­шысы Нұрсұлтан Назарбаев: «Біз өзіміздің атқарып жатқан жұ­мы­сымызды екі жарым жыл бұ­рын талқыға салып жатырмыз. Яғ­ни, партияның Сайлауалды тұ­ғыр­намасы 5 жылға белгіленген. Қа­зір сол 5 жылдың жартысы өт­ті. Бұл жерде біз не атқардық, Сай­лауал­ды тұғырнама кезінде ха­лық­­қа берген уәдеміз қаншалық­ты орын­далды деген сауалдар туын­­­дайтыны белгілі. Бұл ретте, екі жарым жылдың ішінде істел­ген шаруаның барлығын айтып қана қоймай, әрі қарай не істеу қа­­жет­тігіне мән беруіміз керек. Өз­­дері­ңіз азаматтардың сөзінен, жа­­са­ған баяндамаларынан көріп отыр­­сыздар, көп шаруа атқарылды, көп дүние орындалды. Ең алдымен, партияның жұмысына, оның ішін­де Мәжілістегі фракциясының жұ­мысына, Сайлауалды тұғырна­ма­ның тиісті деңгейде орындал­уына мән беруіміз керек. Жалпы алғанда, бұл бағыттағы жұмыстар оң нәтиже беріп келеді деуге болады, деді. Елбасы өз сөзінде екі жарым жыл ішінде партияның 2017 жыл­ға дейінгі қойылған мақ­сат-мін­деттердің 70 пайызға жуы­ғы орын­далғанына, барша қазақ­стан­дықтың жұмыла еңбек етуінің арқасында еліміздің экономикасы қарқынды дамып келе жатқанына тоқталды. Бүгінде Қазақстанның экономикалық қуаты Орталық Азияның барлық елдері эконо­микаларының жиынтық көлемінен 2 есеге асып түседі. ІЖӨ адам ба­сына шаққанда 13,5 мың дол­лардан асты, бұл Шығыс Еуро­паның көптеген елдерімен, Түр­киямен, Малайзиямен, Брази­лия­­­мен деңгейлес, деп атап өтті Ел­­басы. Елімізде экономиканың Қа­зақ­станда бұған дейін болмаған салалары дамып келеді. Оларға вагондарды, локомотивтерді, элект­ронды техникаларды өн­діруді жатқызуға болады. Міне, мұндай нәтижелерге партия мү­шелерінің, барша қазақ­стан­дықтардың бірлесе атқарған жұмыс­тары арқасында қол жеткізіп отырмыз. Дегенмен, Президенттің айтуынша, «Нұр Отан» партиясының Сайлауалды тұғырнамасын сыбайлас жемқорлық көріністерге белсене қарсы тұру іс-қимылдарынсыз жүзеге асыру мүмкін емес. «Сы­бай­лас жемқорлыққа қарсы тиімді стратегия – «Нұр Отанның» «Қа­зақ­стан-2050» Стратегиясын жүзеге асыру барысындағы көш­­бас­шы­лығының түбегейлі мә­селесі. Сы­бай­лас жемқорлыққа қар­сы іс-қи­мыл – экономикалық өсім үшін қа­жет­ті елеулі ішкі резерв. Менің тап­сырмам бойынша, партиялық бағдарламаның жобасы әзірленді. Онда 2025 жылдарға дейінгі сыбайлас жемқорлыққа қарсы күрес жүргізу іс-шаралары көрініс тапқан. Бүгінгі таңда жем­қорлықпен күрес қатаң түр­де іске асырылып жатыр. Бұл жұ­мыс­тарға министрлер, облыс әкім­дері, барлық деңгейдегі әкім­дер мен олардың орынбасар­лары қа­тыстырылып жатыр. Мем­ле­кет­тік қызметшілердің ең­бек­­ақысы көтерілуде, қолайлы жағ­дай­­лар жасалуда, сондықтан, осы­­дан қоры­тынды шығару керек. Де­мек, партияның жұмысына ат­са­­лысу қажет», деді Мемлекет басшысы. Елбасы, сонымен қатар, Қа­зақ­­станның ТМД елдерінің ішін­де мемлекеттік қызмет пен сыбайлас жемқорлыққа қатыс­ты заң қабылдаған бірден-бір ел екендігін, Қазақстанда жем­қор­лыққа қарсы жүргізілген іс-шаралар халық­аралық сарапшылар тарапынан да жоғары бағаға ие болғанын, сондықтан, «Нұр Отан» партиясы біздің сыбайлас жемқорлыққа қарсы мәдениеттің қалыптасуына ықпал етуі тиіс екен­дігін атап өтті. Қазақстан Пре­зи­денті, сондай-ақ, халық пен би­­ліктің бірлігі ел­дің барлық жетіс­тіктері мен бо­ла­шақ­қа деген сенімінің табан ті­рей­тін негізгі іргетасы болып са­на­ла­тынын айтты. «Нұр Отан» Пар­­ла­ментте көп­шілік орын алатын, Үкі­метті құрап отырған ха­лық­­тық партия ретінде осы бір­лік­ті қамтамасыз етуші бас­ты те­тік рөлін атқарады. Біздің әрқай­сымыз, әр­бір нұротандық, белгілі бір нақты орын­да мін­дет­терді орын­дай отырып, бүкіл ел үшін жұ­мыс істейміз, деді Мемлекет басшысы. Сонымен, «Нұр Отан» партия­сы Саяси кеңесі отырысының қо­рытындысы бойынша Сы­бай­лас жемқорлыққа қарсы 2025 жыл­ға дейінгі іс-қимыл бағ­дар­­ламасы, сондай-ақ, «Нұр Отан» партиясының кеңейтілген оты­рысының қорытындысына сәйкес қаулы қабылданды.