"FIDE" халықаралық шахмат федерациясының ұйымдастыруымен алдағы қазан айының 13-14 күндері жабық мекемелерде жазасын өтейтін сотталған азаматтар арасында шахматтан жарыс өтеді. Осыған орай, бүгін өңірлік ҚАЖ департаментіне бағынысты №26 түзеу мекемесіндегі жазасын өтеушілер тақта тартысында өзара кім мықтыны анықтады. Олар жарысқа ерекше ықыласпен келіп, "жүзден жүйрік, мыңнан тұлпар" атану үшін барын салды. Тартысты өткен сайыс барысында шахмат ойынын шебер меңгергендерде кездесті. Ал ойынның нәтижесінде Андрей есімді сотталған азамат жеңімпаз атанды. Енді ол келесі айда өтетін шахмат жарысына онлайн қатысатын болады.