Облыстық ұлттық ат спорты түрлері федерация кубогына арналған көкпардан ересектер арасында республикалық турнир Жамбыл ауданы, Бектөбе ауылындағы атшабарда басталды. Жарысқа еліміздің бірнеше облысынан командалар келіп қатысуда. Оның арасында Жамбыл, Түркістан, Қарағанды, Алматы облыстарының бәсі жоғары. Алайда «бап шаба ма, бақ шаба ма», оны уақыт көрсетеді. Біз ҚР еңбек сіңірген жаттықтырушысы Нұрдәулет Момынов баптайтын облыс құрамасынан үлкен үміт күтеміз. Әулиеата көкпаршылары бұл турнирде де жеңістің жолын жаңылмай табады деген ойдамыз. Турнир екі күнге созылады.  

Есет ДОСАЛЫ