Мексикада ең қорқынышты жер қай жер екенін білесіз бе? Ол «қуыршақтар аралы» деп аталады. Оған Сочимилько каналы арқылы қайықпен баруға болады. Чаки атты қуыршақ туралы қорқынышты фильм есіңізде болар. Бұл арал сол Чакидың тұрағы сияқты. Аралдағы тал-дарақ бастарында қол-аяғы жұлынған, бір көзі жоқ, небір «соғыстан қайтқан» қуыршақтар ілініп тұр. Алғашында Джулиан Баррерь есімді бір адам осы үрей мекенін ұйымдастырыпты. Ол бір жолы каналға ағып кеткен қыздың жағалауда жатқан қуыршағын тауып алады. Шамасы, оның әруағы қуыршақта қалып қойды деген ырымға сенсе керек, жігіт оны аралдағы талдың басына іліп кеткен. Көп уақыт өтпей ол тағы бір қуыршақ тауып алады. Сөйтіп ол қажетсіз қуыршақтарды елу жыл бойы аралға жинаған. Олардың саны осылай өсе берген. Жынды еркек өзіне күрке жасап алып аралда тұрған. Бір жолы аралды су басып қалып, тұрғыны ізтүссіз жоғалып кетеді. Ал оны туристерге еске салып тұратын қуыршақтар әлі тұр.