Ел біріншілігінде тараздық акробаттар үлкен жетістікке қол жеткізді. Жұптық және топтық сындарда спортшыларымыз 4 алтын, 1 қола жүлделерді жеңіп алды. Атап айтсақ, он екі және он сегіз жас аралығындағы қыздар арасында Юлия Просветова мен Вероника Сивоненконың жұбы және он бес жасқа дейінгі акробаттар тобында сынға түскен Аружан Қарабаева, Анел Нұржанова чемпион атанды. Үштікте өнер көрсеткен Диана Уляжанова, Диера Зуфарова, Анастасия Шнейдер де үздіктер қатарынан көрінді. Ерлер жұбы – Алексей Цыганаш пен Арсен Түребеков те топ жарғандар қатарында. Тек аралас жұптағы үміткерлеріміз Данара Ерұланова мен Марлен Базидаев қана алға шыға алмады. Олардың еншісіне тигені – қола жүлде. Жерлестеріміздің табысты өнер көрсетуіне дүбірлі доданың Тараз жерінде өтуі әсер еткені анық. Қалай десек те, олар өз жанкүйерлерін жерге қаратпауға тырысты.

Ардақ Үсейінова, «Ақ жол».