Гвардейск гарнизонында «Оңтүстік» өңірлік қолбасшылығына қарасты әскери бөлімдерде жауынгерлік даярлық жоспарына сәйкес әскери қызметшілердің мамандығы бойынша жеке дайындық сабақтары аяқталды. Мамандық бойынша жеке дайындық сабақтары – жауынгерлік әзірліктің деңгейін көтеру және әскери қызметшілердің мамандықтары бойынша білім сапасын арттыруға және бөлімшелер бойынша дайындық сабақтарының үйлесімділігіне бағытталған болатын. Әскери бөлімдердің аумағында арнайы оқу орындары орналастырылып, жеке дайындық сабақтары өткізілді. Сабақ барысында қауіпсіздік шаралары сақталып, жеке құрам тиісті бағаларын алды. Сабақ соңында әскери бөлім командирлері қорытынды жасап, сабақ жетекшілері мен жеке құрамды мараппаттады. Айта кетейік жеке дайындық сабақтары 7-ші желтоқсанда басталған болатын. Алдағы уақытта жеке құраммен жауынгерлік даярлық жоспарына сәйкес бөлімшелер бойынша дайындық сабақтары өткізілетін болады.   Гвардейск гарнизоны баспасөз қызметінің бастығы майор Жомарт Тажиханов