Еліміздің төрт облысы коронавирус инфекцисының таралуына байланысты қолайсыз аймақтар қатарына енді.  ҚР Санитарлық-эпидемиологиялық бақылау комитетінің мәліметі бойынша, еліміздің төрт аймағы коронавирустың таралуына байланысты қолайсыз өңірге енді. Олардың ішінде: Шығыс Қазақстан облысы "қызыл зонаға" түсіп үлгерді (соңғы тәулікте мұндағы науқастар өсімі 226 жағдайды құрады) Павлодар (бір тәулігіне ауру өсімі - 40 жағдай), Солтүстік Қазақстан (тәулігіне +34) және Ақмола облыстары - "сары зонада" (тәулігіне +28). Қазақстанның барлық аймақтары үш зонаға бөлінеді: қызыл, сары және жасыл аймақтар. "Қызыл аймаққа" 100 мың тұрғынға шаққанда 50-ден астам жағдай келетін елді-мекендер кіреді. "Жасыл аймаққа" - 100 мың адамға шаққанда 50 жағдайдан азы енеді.