«Қазақстан аруы» ұлттық сұлулық сайысының дирекциясы байқауды келесі жылға қалдыру туралы шешім қабылдады. Биыл тек онлайн форматта өңірлік іріктеу турлары өтетіні айтылады. «Осындай қиын уақытта финалды ауыстыру туралы шешім қабылдай отырып, біз бар күш-жігерімізді «Сұлулық мейірімділікте» әлеуметтік жобасын дамытуға бағыттауға ниеттіміз. Тек бірлескен күш-жігермен еріктілер қозғалысына, қайырымдылық жобаларына белсенді қатысумен ғана біз көрінбейтін жауды жеңе аламыз», — деді «Қазақстан аруы» директоры Алена Кырбасова.