Ауруханалардағы төсек-орын қорының 70 проценттен астамы науқастарға толса, Қазақстанда қатаң карантин енгізіледі. Бұл туралы денсаулық сақтау министрі Алексей Цой мәлімдеді. «Ауруханалардағы төсек-орын қорының 70 пайыздан астамы толса, өте қиын сәт туады. Сол кезде қатаң шектеу шараларын енгізу арқылы денсаулық сақтау министрлігіне қолдау көрсетілуі тиіс», — деді Цой. Ал қазір, оның айтуынша, төсек-орын қорының тек 15 проценті ғана бос емес. Елдегі эпидемиологиялық жағдай тұрақты. Дәрі-дәрмек жеткілікті, деп сендірді ведомство басшысы. «Егер коронавирус дәл қазіргідей өтсе, біз онымен өмір сүре аламыз және бұл тұрақты процеске айналады», — деді министр.