Жаңалықтар
Халықпен дөрекі сөйлескен бас санитарлық дәрігерге қатысты тәртіптік іс қозғалды
- author «Ақ жол»
- 13 тамыз, 2020
- 245
Халықпен дөрекі сөйлескен бас санитарлық дәрігерге қатысты тәртіптік іс қозғалды
Алматы облысының бас санитарлық дәрігеріне тәртіптік іс қозғалды. Бұл туралы ҚР Мемлекеттік қызмет істері агенттігінің ресми өкілі Ерхан Тәткен айтты. ҚР Мемлекеттік қызмет істері агенттігі Алматы облысының бас санитар дәрігері Ерғали Сыдымановтың Талдықорған қаласы тұрғындарымен кездесуі барысындағы видеоға назар аударып, оның барысында Мемлекеттік қызметшінің әдеп кодексін бұзу фактісін анықтаған.
«ҚР Мемлекеттік қызмет істері агенттігінің Алматы облыстық департаментіне істі Әдеп жөніндегі кеңесте қарай отырып, мемлекеттік қызметшіге қатысты тәртіптік іс қозғау тапсырылды. Тәртіптік істі қарау нәтижесі қоғамға жеткізілетін болады», - деді ҚР Мемлекеттік қызмет істері агенттігінің ресми өкілі Ерхан Тәткен.
Еске сала кетсек, бұдан бұрын әлеуметтік желіде шенеуніктің Талдықорған кәсіпкерлерімен кездесуінің видеосы таралған болатын. Онда тұрғындар бас санитарлық дәрігердің дөрекілік танытқандығына шағымданған еді. Осыдан кейін ҚР Денсаулық сақтау министрі Алексей Цой Алматы облысы бас санитарлық дәрігеріне қатысты тексеруді бастауды тапсырды.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді