Қазақстандағы коронавирус көрсеткіштері қайта есептелетін болды. Бұл туралы ҚР Денсаулық сақтау министрі Алексей Цой үкімет отырысында айтты.  - 1 тамыздан бастап коронавирус статистикасын есептеудің тәсілінің өзгеруіне байланысты Денсаулық сақтау министрлігі тамыздың алғашқы 10 күніндегі мәліметтер негізінде вирустың репродуктивтілік көрсеткіштерін қайта есептейді. Одан соң әр аймақтардағы жағдайды да бағалайтын боламыз, - деді ол. 10 тамыздан бастап Денсаулық сақтау министрлігі вирустың репродуктивтілік көрсеткішін де есептеп отыратын болады.