Көлемі футбол алаңымен тең астероид Жерге қарай ұшып келеді деп хабарлайды РИА Новости. Аэронавтика және ғарыш кеңістігін зерттеу жөніндегі ұлттық басқарманың (NASA) мәліметінше, 2009 PQ1 астероидының көлемі 84-190 метрге дейін жетеді. Ол 5 тамыз күні Жерге барынша жақындайды. Сондай-ақ хабарламада көрсетілгендей, астероид пен Жердің арақашықтығы біздің ғаламшар мен Айдың арасындағы қашықтықтан жеті есе көп болмақ. Аталған аспан денесі 2009 жылғы 14 тамызда анықталған. Астероид ұшу бағыты Жер орбитасымен қиылысатын "Аполлондар" тобына жатады.