Алматы Фтизиопульмонология орталығының жұқпалы аурулар бөлімінің меңгерушісі, фтизиохирург, пульмонолог Абзал Малбасқанов коронавирусқа байланысты қала тұрғындарын мазалайтын өзекті сұрақтарға жауап берді. Оның айтуынша, қауіпті вирустың туындауына кондиционер де себеп болуы мүмкін. Абзал Малбасқанов кондиционердің қандай зиян келтіретінін айтып берді. Оның сөзіне қарағанда, кониционер коронавирусты қоздыруы мүмкін, себебі бөлмедегі ауа айналмайды. "Адам салқын ауада отырып, кейін ыстыққа шыққанда, ағза температурасы түсіп кетеді. Бұл өз кезегінде иммунитеттің төмендеуіне соқтырады. Сөйтіп коронавирус инфекциясын қоздыруы да мүмкін. Себебі кондиционерді қосқанда, барлығын жабамыз, содан ауа айналмайды", – дейді Абзал Малбасқанов.