Қазақстандық теннисші қыз Зарина Диастың үздіктер қатарынан көрінетін мүмкіндігі мол. Бүгінгі таңда үздік қырық теннисшінің қатарында тұрған қазақтың қара домалақ қызы бұған дейін Сара Эррани, Саманта Стосур секілді әйгілі теннис шеберлерінен жақсы пікір естігенін бәріміз білеміз. Париж қаласында өтетін «Роллан Гарроста» төртінші кезеңге қиналмай жеткен Зарина АҚШ ашық біріншілігінде үшінші кезеңге шыққан болатын. Күн санап WTA рейтингінде бәсі жоғарылап келе жатқан қазақ қызының алдағы уақытта өзінің рейтингін тағы да түзеп алатын мүмкіндіктері бар. Бүгінгі таңда оның алдын орап тұрған бірнеше теннисшінің Заринадан соншалықты көп ұпай жинамағанын ескеретін болсақ, алдағы айларда өтетін WTA жарыстарының бірді-екілісінде жоғары нәтиже көрсететін болса, жылды үздік отыздықтың қатарында аяқтары сөзсіз. Ол үшін әрине АҚШ пен Еуропа елдерінде өтетін турнирлерге дайындықты пысықтай түсу керек. Заринаның өзі де сол үшін жұмыс жасап жатқанын айтады.

Табиғат АБАИЛДАЕВ, «Ақ жол».