Атырауда дәстүрлі емес медицина арқылы коронавирусты емдеумен айналысқан тұрғын ұсталды. Ол қаладағы ғимараттардың бірін стационар типінде жабдықтап, коронавирус жұқтырған тұрғындарға ем-дом жасаған, деп хабарлайды "Aq jol" Қазақстан ұлттық арнасына сілтеме жасап. Тексеру барысында оның арнайы лицензиясы жоқ екендігі анықталды. Әрі қоймадан жарамдылық мерзімі өтіп кеткен, атауы өзге тілінде жазылған дәрі-дәрмектер табылды. "Ғимараттың екінші қабатынан ешқандай санитарлық нормаларға сай келмейтін станционар ашқан. Полиция қызметкерлері тексеру барысында төменгі қабаттан жарамдылық мерзімдері асып кеткен, жалпы саны 2500-ден астам дәрілік өнімдерді тауып тәркіледі. Қазір аталған дерек бойынша тексеру жұмыстары жалғасуда", - деді облыстық полиция департаментінің баспасөз хатшысы Гүлнәзира Мұхтарова.