Қазақстанда коронавирус пен пневмония статистикасы біріктіріледі, деп хабарлайды zakon.kz. Бұл туралы ҚР Денсаулық сақтау министрі Алексей Цой мәлім етті.

Коронавирус пен пневмония жағдайлары бойынша деректердің мейлінше ашық болуын қамтамасыз ету үшін Денсаулық сақтау министрлігі статистика жүргізудің жаңа әдістерін қабылдайды. ДДСҰ Еуропалық өңірлік бюросымен техникалық кеңес жүргізіп, COVID-19 жағдайларын ауруды классификациялаудың жаңа халықаралық кодтары бойынша тіркеуге көшу туралы шешім қабылданды. Осылайша, COVID-19-дың зертханалық расталған жағдайлары ПЦР-тесті теріс болған, бірақ COVID-19-дың клиникалық және эпидемиялық белгілері бар пневмония жағдайларымен біріктіріледі, - деп атап өтті ол.