Қазақстандықтарға шекаралас елдерден өз қажеті үшін дәрі-дәрмек алдыруға бола ма? Бұл сұраққа ҚР денсаулық сақтау вице-министрі Людмила Бюрабекова онлайн брифингте жауап берді. «Қазіргі уақытта заң бойынша өз қажеті үшін дәрі әкелуге шектеулер жоқ. Бұл ҚР Халық денсаулығы мен денсаулық сақтау жүйесі туралы кодексінде жазылған. Тиісті құжаттарға сай болса, өз қажеті үшін дәрі-дәрмек әкелуге тыйым салынбаған», - деді вице-министр.