Тегімізді қазақшалап жазатын кез келді
Өзіміз қазақ, әке-шешеміз қазақ бола тұра осы біз қашан ата-тегімізді ана тілімізде жазар екенбіз?! Ұятты, намысты ойлайтын кез келді ғой. Аты-жөнімізді қазақшалаймыз деп жүргенде Ұлжан Жақсылық, Шаттық Алмас, Алихан Әділхан, Жансерік Жарқынбек деген сияқты түрікшелеп алғандаймыз. Мұндайда қыз баланың атын тегінен айыра алармыз, ал ұлдардыкін ажырату қиынға соғып жатады. Аты-жөнімізді төл тілімізде айшықтап жазудың тәсілі соңына «ұлы», «қызы» деп қосып жазуды мәселе етіп көтеріп келе жатқаныма да біраз жыл болды. Газет-журналдарға да тұрақты түрде жазып келемін.
Оның бірі «Aq jol»-да жарық көрген болатын. Кейде ата-тегімізді қалай жазсам да, ол менің шаруам деп өзіңді сөгуден танбайтындар да кездеседі. Мектеп оқушылары да олай қолданғысы жоқ. Әрине, оған олардың ата-анасы кінәлі деп білемін.
Сол себепті бұл мәселеге «Ауру қалса да, әдет қалмайды» деп қарамай, шығанға шықпай тұрып, жоғары жақтан тосқауыл қойылу керек сияқты. Әйтпесе алдағы уақытта енді түрікше ата-тектен құтыла алмай қалатын жағдайға жететін тәріздіміз. Сондықтан менің айтқандарымды бір мезгіл ой таразысына салып көрейікші, ағайын!
Ердахмет ДОСТЕМЕСҰЛЫ,
еңбек ардагері.
Шығанақ ауылы,
Мойынқұм ауданы.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді