Қарияға қолғабыс жасап, батасын алды
Ел Президентінің Жарлығымен ағымдағы жыл Еріктілер жылы болып бекітілгені мәлім. Қоғамның әлеуметтік дамуына, ізгілікке ұмтылуына, кез келген азаматтың жақсылық жасау арқылы айналасына пайда келтіруіне, ілкімді істерімен өскелең ұрпақтың бойына адамгершілік ұшқынын ұялату, мейірімділік қасиеттерді сіңіру жолында мұндай шараның маңызы зор.
Аталған жыл аясында Шайдана ауылының жастары Сәрсенбі Көпбергенұлы көшесінің тұрғыны, қарт кісі Лесбек Байұзақовтың үйінде абаттандыру жұмыстарын жүргізді. Электр бағанасына кедергі жасаған тал-дарақтарды отап, арық-атыздарын тазартты. Бұталған ағаштарды қыстық қоймаға жиыстырып, сауапты іс жасады.
Еріктілер құрамындағы Нұрлан Сұлтанұлы: «Ел Президенті Қасым-Жомарт Тоқаевтың Жарлығына біз де өзіндік үлесімізді қосқымыз келеді. Еріктілер жылы ауданымызда, елімізде көпке үлгі боларлық игі істер төбе көрсететініне сеніміміз мол. Бүгін ауыл жастарымен бірлесіп, Лесбек ағамыздың шаруасына қолғабыс етіп, батасын алдық. Алдағы уақытта бұл істі жалғастырамыз», – дейді.
Ақжігіт Жетпісбай,
журналист.
Жамбыл ауданы.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді