Қоңыр күз
Тағы да қоңыр күз келді,
Ұнайды маған күз бірақ.
Күз деген – сезім, әсерлер,
Кетпеспіз одан біз жырақ.
Тереңге барлап кім барған,
Сезіне алмасақ ұят-ты.
Күрең күз кейде сұрланған,
Өмірдің өзі сияқты.
Сезімнің емес жеңілі,
Сырласа қалса, қос ғашық.
Олардың да көңілі,
Күзбенен тұр-ау астасып.
Алай да дүлей бұл дәурен,
Толқыған асау теңіздей.
Жапырақ айтқан сырлармен,
Менің де жаным егіздей.
Түспейді көзге құсың да,
Ызғардан кері ыршыдық.
Қарашаның ұшында,
Қалтырайды тіршілік.
Көңілді болмас күйреткен,
Долданса да – мына күн.
Өмірді бізге үйреткен,
Қоңыр күз – біздің мұғалім.
Әсел БҰРАЛХИЕВА.
Қаратау қаласы.
Талас ауданы.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді