Қызылордадан да қуанышты хабар жетті. Онда қазақ күресінен ел чемпионаты өтіп жатыр. Оған еліміздің ірі қалалары мен барлық облысынан мықты балуандар жиналған еді. Бұл сынға облыс құрамасын аға жаттықтырушы Елдос Далабай бастап барды. Әзірге 90, 100, 100 килограмнан жоғары салмақтарда балуандар бәсекесі мәреге жетті. Жалпы бұл сында өңіріміздің намысын 23 балуан қорғап жатыр. 100 килограмнан жоғары салмақта жерлесіміз, М.Х.Дулати атындағы Тараз мемлекеттік университетінің студенті Ғалымжан Қырықбай чемпион атанса, 90 келіде тараздық Айбол Айтбек те алтыннан алқа тағынып, қуантты. Сонымен, әзірге қоржынымызда – қос алтын. Алдағы уақытта басқа да жерлестеріміздің топтан озып, жүлде алатынына сеніміміз мол.