Жаңалықтар
Таразда жетім баланы жылатқан тәрбиешіге қатысты сот үкімі шықты
- author «Ақ жол»
- 30 қазан, 2019
- 221
Таразда жетім баланы жылатқан тәрбиешіге қатысты сот үкімі шықты
Таразда үш жастағы тастанды баланы жылатқан тәрбиешіге қатысты сот үкімі шықты, - деп хабарлайды "Астана" телеарнасы.
Телеарнаның мәліметінше, 54 жастағы келіншек енді екі жыл бойы педагогикалық жұмыс істей алмайды және ол мемлекет қазынасына айыппұл төлеуге міндеттелді. Жамбыл облыстық Кәмелетке толмағандардың істері жөніндегі мамандандырылған ауданаралық соттың судьясы Тахмина Сұлтанова тәрбиешінің өз кінәсін мойындағанын айтты.
"Тәрбиеші өз кінәсін толық мойындап, тергеу ісіне көмектесті. Сот барысында осы жағы ескерілді. Сондықтан оған 80 айлық есептік көрсеткіш көлемінде айыппұл салынды. Оның егде жасқа келуі ескеріліп, қаладағы қоғамдық жұмыстарға жегілмейді. Оның үстіне денсаулығы жарамайтыны белгілі болды", - деді судья Сұлтанова.
Еске салайық, 8-қазанда "Үміт" бөбектер үйі тәрбиешісінің баланы жазалап жатқаны таспаланған жазба желіге тарап кеткен еді. Арты үлкен дауға айналып, қоғамның қызу талқысына түсті. Бейнежазбада 30 жылдық өтілі бар маман жылаған 3 жастағы бөбекті аяғынан көтерген қалпы басын салбыратып, бірнеше рет жұлқылайды. Осыдан соң тексеріс басталып, ол жұмысынан уақытша шеттетілген еді. Енді сот үкімінен кейін ол қызметінен біржолата қуылмақ.
Сондай-ақ, телеарнаның мәліметінше, "Үміт" бөбектер үйінің басшысы да жазаланады. Сот тәртіптік жазаға тарту үшін облыс әкімдігінің атына жеке қаулы шығарды. Айта кетейік, бұл балалар үйінде 64 тастанды бала тәрбиеленіп жатыр.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді