СҚО сыбайлас жемқорлыққа қарсы қызметі Қазақстан Республикасы Ауыл шаруашылығы министрлігі Су ресурстары комитетінің "Қазсушар" ШЖҚ РМК Солтүстік Қазақстан филиалының бұрынғы директоры С.А. Жақаевқа қатысты сотқа дейінгі тергеуді аяқтады, деп хабарлайды Zakon.kz. Ол іссапар шығындарын өтеуге және филиал қызметкерлеріне материалдық көмек төлеуге арналған бюджеттік ақшалай қаражатты, сондай-ақ өндірістік базадағы бақылау-өткізу пунктін қайта құру бойынша жобалық-сметалық құжаттаманы әзірлеуде қызметтерді төлеуге арналған ауыл шаруашылығы тауар өндірушілерінің жалпы сомасы 6,9 млн.теңге болатын ақшаны жымқырды деген күдікке ілінген болатын. 2019 жылдың 10 қазанында Петропавл қалалық сотының үкімімен Жақаев сотталды және оған 4 жыл мерзімге бас бостандығынан айыру мен мемлекеттік қызметте лауазымды қызметпен айналысу құқығынан өмір бойына айыру жазасы тағайындалды.