«Іздеп жүрген байлығым - ол балалық»
Келеді атам төмен қарап жанары,
Әлденесін жоғалтқандай шарқ ұрып,
Денесін де көтермейді жоғары,
Білгім келіп сауал қойдым талпынып.
«Жүрсің неге жерден алмай көзіңді,
Қазынаңды жоғалттың ба тым құнды?»,
Сұрақ арты кінәладым өзімді,
Ал атамның жанарында мұң тұрды.
Күрсінумен біраз тұрып ойланып,
Терең сөзбен жауап берді даналық.
«Уысыңа қонбайтұғын айналып,
Іздеп жүрген байлығым ол – балалық»
Аташымның жауабы осы өрелік,
Жас іркілді сырға толы көзінде.
Тұрғаны анық нәзік жаны бөленіп,
Тек өзіне түсінікті сезімге.
«Таппай жүрген жастығыңды аңсасаң»
Төменге емес маған қара ендеше.
Деп қайырдым сөзге жүйрік әрқашан
Тапқырмыз ғой, алмайды ешкім теңдесе.
Өмірді сүй, кері қарай тартпағын,
Күллі әулетің бір сен үшін алаңдар.
Абыз жандар, қазыналы қарттарым,
Балалығым – немерем деп санаңдар.
Ақтоты ЖАҢАБАЙ.
Талас ауданы.
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді