Аялдамаға жүздеген адамдар аялдайды. Ол автобусты күтуге ғана емес, көпшілікті мәдениетке үйрететін орын. Ал Тараз шаһарында тұрғындардың аялдамаға деген құрметі қай деңгейде? Көңілдегідей деп айту қиын. Қаланың шетіне бармай-ақ, орталығындағы Әйтеке би көшесіндегі, «Дәмдес» мейрамханасының маңындағы аялдаманың орындықтарын қараңызшы. Сындырып кеткен. Осы аялдаманы қоғамдық көлік келгенше жұрт қиналмай, демалып отырсын деп салды ғой. Ал орындықты қиратып кеткендер не ойлады екен? Қала орталығындағы жағдай осы болса, шеттегі аялдамалардың халі түсінікті емес пе? Бүтінді бүлдіретін қасиетіміз қанша уақытқа созылар екен?