НҰР-СҰЛТАН. ҚазАқпарат – All of the Belts бокс жайында жазатын танымал Twitter парақшасы жұрт асыға күтетін алдағы жекпе-жектердің үздік бестігін жариялады, деп хабарлайды ҚазАқпарат Sports.kz-ке сілтеме жасап. Тізімге реванштармен қатар трилогиялар да кірді. Олардың қатарында, әрине, Геннадий Головкин мен Сауль Альварестің үшінші кездесуі бар. Жекпе-жек қыркүйек айына жоспарланған еді, алайда келесі жылдың мамыр айында өтуі мүмкін. Сондай-ақ, көп күтілетін жекпе-жектердің ТОП-6 төмендегідей: Флойд Мэйвезер — Мэнни Пакьяо II Сауль Альварес — Флойд Мэйвезер II Энтони Джошуа — Диллиан Уайт II Билли Джо Сондерс — Крис Юбэнк II Лео Санта Крус — Карл Фрэмптон III. Головкин мен «Канелоның» алдағы үшінші жекпе-жегіне Париматч букмекерлік кеңсесінің берген бағалары мынадай: «Канелоның» жеңісі – 1.7, Головкиннің жеңісі – 2.15, тең түсуі – 25. Еске салайық, боксшылардың алғашқы айқасы тараптардың тең түсуімен аяқталған еді, ал екінші кездесуде Альварес төрешілердің басым көпшілігінің шешімімен жеңімпаз атанды.

kazinform.kz