Зеленский Путиннен сепаратистермен сөйлесуді сұрады
Украина президенті Владимир Зеленский Ресей президенті Владимир Путинге қоңырау шалып, одан Донбасстағы сепаратистермен сөйлесуді өтінген.
Бұл туралы Зеленский Украина әскерилерімен өткен жиналыстан кейін мәлімдеді. Бұл жиынды Зеленский елдің шығысындағы жағдай ушыққан сәтте өткізді. 6 тамызда сепаратистер қолынан украиналық төрт әскери мерт болды.
«Таңертең Путинмен сөйлестім, украиналық әскерилердің өлімі екі елді бейбітшілікке жақындатпайтын айттым. Путиннен сепаратистермен сөйлесіп, оларға біздің адамдарды өлтіруді тоқтатуды ескертуін сұрадым» деді Зеленский. Украина президентінің сөзін «РБК Украина» сайты жариялады.
21 маусымда Украина шығысында кезекті рет бітім жарияланған. Бірақ екі тарап бір-бірін бітім шарттарын бұзды деп айыптайды. Украина шығысындағы жағдайдың қиындауына байланысты Зеленский Түркияға сапарын кейінге шегеруі мүмкін. Ол Франция президенті Эммануэль Макрон және Германия канцлері Ангела Меркельмен Донбасс келіссөзін талқылайтынын хабарлады.
Кремль Зеленский мен Путиннің телефонмен сөйлескеніне жайлы мәлімдеме жасаған жоқ.
Украина шығысындағы қақтығыстан 2014 жылдан бері 13 мың адам мерт болды. Украинаның Донецк және Луганск аймағын Ресей қолдайтын сепаратистер бақылауда ұстап отыр. Дерек көзі: www.azattyq.org
Ұқсас жаңалықтар
Жамбылдық орманшы отқа оранған көліктен 4 адамды аман алып шықты
- 23 қыркүйек, 2024
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді