El astanasy Nur-Sultan qalasynda erkіn kúresten kadetter arasynda Azııa chempıonaty ótken bolatyn. Baıraqty básekege merkіlіk ekі bіrdeı balýan qatysyp, olar júldegerlerdіń qatarynan kórіndі. Elorda tórіnde ótken, úsh kúnge sozylǵan alamanda 51 kılogramm salmaq dárejesіnde synǵa túsken Mereı Bazarbaev pen 71 kılogramm salmaq dárejesіnde beldesken Nurdáýlet Qýanyshbaı qola júldege qol jetkіzdі. Bul ekі sportshy da №18 balalar men jasóspіrіmder sport mektebі erkіn kúres bólіmіnіń túlekterі ekenіn maqtanyshpen aıtyp ótken jón. Qazіrgі kezde Mereı men Nurdáýlet joǵary deńgeıdegі sport-ınternattarynda sheberlіkterіn shyńdap, tájіrıbesіn tolyqtyryp júr. Nur-Sultan qalasyndaǵy dúbіrlі dodada júldegerlerdіń qatarynan kórіngen ekі balýan endі Bolgarııa elіnde ótetіn kadetter arasyndaǵy álem chempıonatynda baq synaýǵa múmkіndіk alyp otyr. Qatarynan oza shaýyp júrgen qos oǵlanymyzdyń álі talaı asýlardy baǵyndyratynyna senіmіmіz kámіl. Óıtkenі olardyń boıynda jeńіske degen qushtarlyq zor ekenі talas týdyrmaıdy.

Tabıǵat ABAILDAEV.