Қазақстандық таэквандошылар Нұрсұлтан Мамаев пен Смайыл Дүйсебай Колумбия астанасындағы турнирдің жеңімпаздары атанды, деп хабарлады ҚР таэквандо федерациясының баспасөз қызметі. «Отандық таэквандошылар Нұрсұлтан Мамаев (58 келі) пен Смайыл Дүйсебай (87 келі) Боготеда өткен «Open de Las Américas» халықаралық турнирінің G-1 сериясының жеңімпаздары атанды. Ақтық сында Мамаев мексикалық Дамиан Вильюді ұтты, ал Дүйсебай эквадорлық Жезуса Паррадан мықты болып шықты», - делінген таратылған хабарламада. Мамаев пен Дүйсебай Оңтүстік Қазақстан облысының атынан шығып жүр.  Екі спортшы да Филипп Пинердің тәжірибелік командасында жаттығады.

Ақпарат көзі: www.kazinform.kz