Ұлыбританияның Ковентри қаласында ауыр атлетикадан «British international Ореn» халықаралық турнирі аяқталды. Оған еліміздің екі спортшысы қатысып, жүлделерге қол жеткізді. Атап айтқанда, 81 келідегі Денис Уланов қоссайыс нәтижесі бойынша 325 келіні көтеріп, чемпион атанды. 96 келі салмақта өнер көрсеткен әйгілі Илья Ильин бұл жолы күміс жүлдені қанағат тұтты. Ол қоссайыс нәтижесі бойынша 350 келіні (165+185) бағындырып, екінші орыннан көрінді. Бұл көрсеткіш жанкүйерлердің Ильяның алдағы уақытта биік нәтиже көрсетер деген үмітін оятты. Eset DOSALY