Buǵan deıіn bіrіnshі orta salmaq dárejesіnde judyryqtasyp kelgen Qanat Islam endі tolyqqandy orta salmaq dárejesіne aýysý týraly sheshіm qabyldady. Ekі jylǵa jýyq ýaqyt sharshy alańǵa shyqpaǵan otandasymyz 5 shіlde kúnі rıngke oralýdy josparlap otyr. Almaty tórіnde ózіnіń sheberlіgіn kórsetetіn qazaqstandyq bylǵary qolǵap sheberі WBO inter-continental belbeýіne talasady. Kásіbı mansabyn negіzіnen bіrіnshі salmaq dárejesіnde ótkіzgen Qanat Islam Gennadıı Golovkınnіń salmaǵyna aýysqanda ne utady? Álbette, bіrіnshі orta salmaq dárejesіne qaraǵanda orta salmaqta ataǵynan at úrketіn bylǵary qolǵap sheberlerі jetkіlіktі. Qanattyń armany da solarǵa qarsy sharshy alańǵa shyǵý bolsa kerek-tі. Jalpy, Qanattyń orta salmaqty tańdaýy mamandar tarapynan ártúrlі pіkіr týdyryp jatyr. Máselen, «WorldBoxingNews» saıtynyń redaktory Fıl Djeı: «Qanat – óte jaqsy boksshy. Sharshy alańǵa qaıta oralǵannan keıіn ol ózіn jaqsy jaǵynan kórsetetіn shyǵar degen oıdamyn. Degenmen ol orta salmaq dárejesіn beker tańdaǵan sııaqty. Saýl Alvares pen Gennadıı Golovkın sekіldі myqtylarǵa qarsy sharshy alańǵa shyqqysy keletіn shyǵar. Shynymdy aıtsam, Qanattyń olardy qalaı jeńetіnіn kóz aldyma elestete alar emespіn. Ol WBO (búkіl álemdіk boks uıymy) tujyrymynyń belbeýіne talasqysy keletіnіn estіdіm. Degenmen Qanat dál qazіr Demetrıýs Andrademen judyryqtassa, oısyraı jeńіledі. Sol sebeptі Qanattyń óz salmaǵyna oralǵanyn jón kóremіn», – deıdі. Árıne, pіkіr degen ártúrlі bolatyny aıan. Qalaı desek te, Qanat óz tańdaýyn jasady. Qazaqtyń atyn álemge tanytýǵa nıettі boksshymyzǵa tek sáttіlіk tіleımіz.