Тараз қалалық мәслихатының депутаты, Жамбыл политехникалық жоғары колледжінің директоры Жанар Орынбаева – тұрғындармен жиі кездесіп, мәселелерін тыңдап тұратындықтан, қоғам қолдауына мұқтаж жандардардың жайын жақсы түсінеді.
Облыстық «Аq jоl» газеті «Наурыз – ізгілік айы» акциясын ұйымдастырғанда көп ойланып жатпастан, редакциямызға арнайы хабарласып, қолдан келген көмегін аямайтынын жеткізді. 8 наурыз – Халықаралық әйелдер күні қарсаңында ол аз қамтылған, толық емес бес отбасына көмек қолын созып, жаны жабырқау жандардың жағдайын біліп қайтты. – Наурыз – бірліктің, татулықтың, ізгіліктің мерекесі. Бұл күні қуанбайтын, мейірленбейтін адам болмайтын шығар, сірә. Жақсы тілек тілеу, қайрымдылық жасау – мейірімділіктің іс жүзіндегі бір көрінісі. Мұқтаж адамдарға көмек қолымызды созу әрбіріміздің парымыз деп ойлаймын. Сондықтан наурыз айында «Аq jоl» газеті ұйымдастырған қайырымдылық шарасына атсалысып, туғаннан мүгедек жандардың үйіне барып, ата-аналарымен жүздесіп, көмектесуді жөн көрдік, – дейді Жанар Рымбекқызы. Адам баласы бойындағы асыл қасиеттердің бірі – қайырымдылық. Қамқорлыққа зәру жандарға жүрек жылуын ұсынып, сауабы мол іске қолынан келгенше көмектесу – азаматтық парыз. Әрине, өзіңде барды өзгемен бөлісу – жомарттықтың белгісі. Қашан да алған қолдан берген қол қайырлы болары сөзсіз.
Камила Борашова
Ұқсас жаңалықтар
Су тасқынынан 21 785 тұрғын үй зақымданды
- 16 мамыр, 2024
Қазақстандықтардың зейнетақы шотына алғашқы жарналар түсті
- 15 мамыр, 2024
Хабарландыру
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді