Қазақстандық “Есьже, я приезжий” тобы өзінің инстаграмдағы парақшасында Төреғали Төреәлінің әніне билеп жүрген Жан Клод Ван Дамның видеосын салды. Аталған видеоны бір күн ішінде 59 мың адам көріп үлгерген. Бұл туралы Stan.kz хабарлайды. Видеоға “Ван Дамм шайқап жатыр” деп ат қойылса да, көпшілік мұның басқа адам екенін айтып жатыр.   “Бұл Ванн Дамм емес” деп жазғандар, арамыздағы ақылдылар мұның қалжың екенін баяғыда түсініп қойған. Өздеріңше ақыл айтпай-ақ қойыңдаршы”, “Ван Даммға дауай деп айта алмай қалсын” десе, енді екіншілері оның Алматы қаласындағы бизнес тренингке келгенін тілге тиек еткен. Видеодағы азаматтың дене бітімі танымал голливудтық актерге ұқсамаса да, бір қарағанда түр-тұлғасы келіңкірейді. Десе де, жұрт видеодағы азаматтың биін көріп, күлкіге қарқ болған.