Осыдан бір жыл бұрын елімізде «Байтақ» жасылдар партиясы тіркеліп, партия төрағалығына Азаматхан Әміртаев сайланған болатын. «Байтақ» партиясының мақсаты – азаматтардың денсаулығы мен әл-ауқаты, қоршаған ортаны қорғау, экономиканың барлық салаларын реформалау. Жақында «байтақтықтар» құрылғанының бір жылдығын Алматы қаласында атап өтті. Бұл күні партия мүшелері алдағы жоспарларын белгілеп, салтанатты іс-шарада үздіктер марапатталды. Жиында партия төрағасы Азаматхан Әміртаев барлық қатысушыларға арнап сөз сөйледі. Төраға мәлімдегендей, партия өткен бір жыл ішінде алға қарай орасан зор қадамдар жасады. «Жасылдар» табиғат пен адамдар үйлесімді өмір сүре алатын орнықты әрі салауатты қоғам құруға ұмтылуда және еліміздің алдында тұрған экологиялық мәселелерді шешудің инновациялық шешімдерін белсенді түрде іздестіруде және енгізуде. Олар тұрақты дамуды, табиғи ресурстарды сапалы басқаруды және болашақ ұрпақ үшін экологиялық таза ортаны құруды ұстанып келеді. Салтанатты шара барысында партия төрағасы жиналғандарды «жасыл болашақ» құруда күш біріктіруге, алға қарап, кедергілерді еңсеріп, елімізді экологиялық жауапкершіліктің үлгісіне айналдыруға бірге атсалысуға шақырды. «Байтақ» жасылдар партиясы Мемлекет басшысы Қасым-Жомарт Тоқаевтың саясатына сүйене отырып, өз қызметінде билік жүргізіп жатқан реформаларды толықтырады. Партия ұжымы қызмет еткен бір жыл ішінде бірнеше бағыт бойынша жүзден астам іс-шара өткізді. Бүгінде партияның 42 мыңнан астам мүшесі, 20 филиалы, 23 мәслихат депутаты бар. Өткен сайлауда 140 мыңнан астам сайлаушы «жасылдар» партиясын қолдады. Партия өзінің халықаралық және сарапшылық тәжірибесін де үнемі жетілдіріп келеді. «Байтақтықтар» барлық ниет білдіргендерді өздерінің түрлі жобаларына қосылуға шақырады және солардың кейбірін қысқаша былай сипаттайды. Партиялық жұмыстың және мүшелермен де, жұртшылықпен де өзара әрекеттердің барлық функциялары бір жерде біріктірілетін цифрлық партиялық модель әзірленуде. Су дипломатиясы институтын құру тұжырымдамасының жобасы дайындалуда. Сарапшылар қауымдастығы бұл идеяны 17 тамызда партия ұйымдастырған халықаралық дөңгелек үстелде қолдады. Сондай-ақ, сол жиында елімізде Су ресурстары және ирригация министрлігін құру туралы бастама көтерілді. Бүгінде партия аталған министрлікпен тығыз қарым-қатынаста жұмыс істеуде. Партияның жасыл саясат бөлімі тұрақты негізде экологиялық жобаларға сараптама және экологиялық аудит жүргізуде. Сондықтан, қандай да бір сәйкессіздіктер анықталған кезде, партия заңға сүйене отырып, сотқа жүгінеді. Мәселен, «Байтақ» партиясы «АрселорМиттал Теміртау» ӨД» АҚ тарапынан бірнеше рет заң бұзушылықтарды және тексеру нәтижелері бойынша атмосфераны ластағаны үшін миллиардтаған теңге шығындарды анықтады. «Байтақ» партиясы халыққа энергетикалық реформаны, оның ішінде ядролық аспектіні жан-жақты зерттеп, халыққа түсіндіру үшін ғалымдар мен сарапшылар қауымдастығын құру туралы бастама көтергені белгілі. Қазақстанның энергетикалық жүйесі ескірген жылу электр станцияларына (ЖЭО) байланысты күрделі мәселелермен бетпе-бет келіп отыр. Бұл мәселелер саланың тұрақтылығы мен дамуын қамтамасыз ету үшін жедел және тиімді шешімдерді талап етеді. Жылу электр станцияларының көпшілігі Кеңес одағы кезінде салынған және олардың пайдалану мерзімі әлдеқашан асып кеткен. Ескірген жабдық тиімсіз жұмыс істеу мен төмен өнімділікке әкеледі, бұл энергияның жоғалуына және отын шығынының артуына әсер етеді. Бұл сонымен қатар, қоршаған ортаға және халықтың денсаулығына кері әсер ететін зиянды заттардың атмосфераға таралуын арттырады. «Жасыл» экономикаға көшу бойынша да бірқатар іс-шаралар жүргізілуде. Дүние жүзінің көптеген елдерінде экологиялық партиялармен халықаралық байланыстар орнатылды. Осы ынтымақтастық аясында экологиялық мәселелерді шешудің бірлескен жол карталары әзірленуде. Маңызды жобалардың қатарында Арал мен Каспий проблемаларын шешу жолдары да бар. Сонымен қатар, COP 28-ге қатысу жоспарлануда. «Байтақ» партиясы биологиялық әртүрлілік пен қоршаған ортаны қорғау мәселелерін тереңірек зерттеу мақсатында партия жанынан ғалымдар кеңесін құруды ұсынады. Салауатты өмір салтын насихаттау бойынша жобалар да жүзеге асырылуда. Соның ішінде Baytaq Run Fest, ағаш отырғызу, сенбілік күндері, саябақтар мен қоғамдық бақтарды қорғау сияқты тұрақты жобалар бар. Төрағаның сөзінше, климаттың өзгеруі бойынша жұмысты жақсарту мақсатында партия әлем жастарының әлеуетін пайдалануды және Шанхай ынтымақтастық ұйымының немесе басқа да ұйымдардың негізінде климаттың өзгеруіне қарсы күресу үшін халықаралық жастар ұйымын құруды жоспарлап отыр. Партия Алматы апортын жаңғырту жұмыстарын бастады. Апорттың дамуы мен имиджін жаңа деңгейге көтеру қажет. Ғалымдардың айтуынша, бүкіл әлем бойынша апорт өзінің шынайы сапасын тек Қазақстанда ғана көрсетеді. Мұндай сапаға басқа жерлерде қол жеткізу мүмкін емес еді. Партия оны қайтадан жандандыруды қолға алмақ. Партияның есігі барлық азаматтар үшін ашық. Қоғамдық қабылдау бөлмелері тұрақты жұмыс істейді, онда азаматтар түрлі сұрақтармен келіп жатады. Мұнда бірде-бір өтініш қараусыз қалмайды және олардың шешімін табу жолында жұмыстар атқарылуда. Партия сарапшылары Парламент Мәжілісінің салалық заң жобалары мен шешімдердің жобаларын, оның ішінде экологиялық кодексті әзірлеу жөніндегі мамандандырылған жұмыс топтарына қатысып келеді. – Біз ESG қағидаттарын енгіземіз. Біздің адам құқықтары, әлеуметтік әділеттілік және әртүрлілікті құрметтеу жөніндегі жұмысымыздың терең мәні бар. Табиғатпен және бір-бірімізбен үйлескенде ғана шынайы гүлденуге қол жеткізе аламыз деп сенеміз. Дегенмен, біздің саяхатымыз енді ғана басталып жатыр, ал алдымызда жаңа міндеттер тұр. Біз тәрбиелік ықпалымызды жалғастырып, нақты іс-шаралар жоспарын жасап, қозғалысымызға адамдарды көбірек тартуымыз керек. Бүгінгі мерейтой – бұл біздің жетістіктерімізді атап өту ғана емес, сонымен бірге алдымызда көп жұмыс күтіп тұрғанын еске салады, – деді «Байтақ» жасылдар партиясының төрағасы Азаматхан Әміртаев.  

Жүрсінгүл ЖАҚЫП